На главную   ::   Новости   ::   Фотогалерея   ::   Написать нам   
 



Google





Семинар туралы сауалдамаға жауап

28.11.2008
Р.О.Бұланбекова
Кітапханаларды дамыту бөлімі
Н.В.Гоголь атындағы ОӘҒК
Қарағанды, Қазақстан
Тел.: 7 (7212) 56-77-55

Қазақстан Республикасының Ұлттық академиялық кітапханасы, ҚР Кітапханашылар Ассоциациясы «Шеврон Мұнайгаз Инк.» компаниясымен бірігіп, Мәскеу Мемлекеттік Мәдениет және өнер институтының (МММӨИ, РФ) оқытушысы, лектор В. К. Степановтың қатысуымен, республикамыздың облыстық, жоғары оқу орындарының жас мамандарымен өткізген «Осы замандық кітапханалық орталықтардағы электронды ресурстар мен электронды қызметтер» атты семинар-тренинг қатысушылар қатарында маған да ұнады дей аламын.

Интернет жүйесінде ақпарат іздеу техникасы, Интернеттегі библиографиялық ізденулердің ерекшеліктері, электронды кітапханалар мен толық мәтінді деректер базасы, ҚР ҰАК электронды ресурстары, Мұнай және газ электронды оқу залы...тақырыптарында дәрістер оқылып, тәжірибелік сабақтар өткен семинардың жас мамандарға берері көп болды деуге болады.

Қарағанды Н.В.Гоголь атындағы ОӘҒК ақпарат айдынында өзіндік орны бар айтулы ақпарат Орталығы саналатындықтан, құжаттарды электронды түрде жеткізумен түпкілікті, жетік айналысып, қажетті деңгейде пайдаланушылардың сұраныстарын қанағаттандырып келеді. Өкінішке орай ҚР ҰАК электронды каталогында біздің оқырмандар сұрайтын, олардың қажетін өтейтін басылымдар жоқ, сондықтан да ҚР ҰАК құжаттарды электронды жеткізуді орындамаймыз.

Берілген семинар курсын игеруге тырыстық, жүргізілген тәжірибелік сабақтан алған білімді күнделікті жұмыста қолданып, оқырман сұранысын өтеуге тырысамыз деген сенімдеміз.

Осындай тақырыптарда, озық технологияларды қамтитын, күнделікті жұмыста қолданылатын жаңа технологияларға қатысты түрлі тәжірибелік сабақтар...біліктілік арттыру шаралары жиі өткізіліп тұрса деген тілегіміз бар. Және де олардың орыс тілінде ғана емес, мемлекеттік тілде де жүргізілуін қалар едік.

Семинарға қатысушылар атынан семинарды ұйымдастырушы Г.Шаймергеноваға және дәріс оқып, тәжірибелік сабақтар жүргізген В.К.Степановқа, әдіскерлерге, ҚР ҰАК қызметкерлеріне, цифрлау орталығының қызметкерлеріне семинарды қажетті деңгейде өткізгендері үшін алғысымызды білдіреміз.

Осы семинардың өткізуіне қолдау көрсетіп, қаржылай шығындарымызды көтерген «Шеврон Мұнайгаз Инк.» компаниясына айтар алғысымыз шексіз. ҚР ҰАК «Мұнай және газ электронды оқу залы» қызметін республика кітапханалары мейлінше пайдаланып, мұнайгаз өндірісі бойынша пайдаланушылар сұранысын өтеуге тырысады.

Егер рұқсат болса, семинар туралы «Кітапхана» журналына мақала жолдасам деп едім.