На главную   ::   Новости   ::   Фотогалерея   ::   Написать нам   
 



Google





Семинар туралы сауалдамаға жауап

28.11.2008
Қазақстан Республикасы Ұлттық академиялық кітапханасы және Шеврон Мұнайгаз компаниясының демеушілігімен ұйымдастырылған «Электрондық ресурстар және қазіргі кітапханалық орталықтардағы электрондық қызмет» атты тақырыптағы семинар-треннингіне қатысып, библиографиялық жұмыстарда инновациялық әдстерді кеңінен қолдану жетістіктерімен таныстым. Бұл семинар-треннингтегі оқытуды Мәскеу мәдениет және өнер университетінің ақпараттық коммуникация және электрондық кітапхана кафедрасының профессоры, педагогика ғылымдарының кандидаты Степанов Вадим Константинович жүргізді.

Ең алдымен осындай семинар-треннингті ұйымдастырып отырған ұлттық акадамиялық кітапханадағы әріптестеріме, сондай-ақ «Шеврон» компаниясына алғысымды білдіремін.

Бұл семинар-треннингте кітапхана жұмысында оқырман сұраныстарын өзекті де, қажетті ақпаратты жедел түрде орындауда Интернеттегі іздеу жүйелерінің маңыздылығы жайында, Интернеттегі библиографиялық іздеу жүйелерінің ерекшеліктері жайында электрондық кітапхана және толықмәтінді мәліметтер қоры, «Қазақстандық ұлттық электронды кітапхана – ҚАЗҰЭК» жайында өз білімдерімізді толықтырдық.

Қазақстандық ұлттық электронды кітапхана құру ҚАЗҰЭК жобасының ұнағаны сондай, мемлекет азаматтарының географиялық тұрғылықты орнына қарамастан ҚазҰЭК тұтыну қорына тәулік бойы онлайнды ену мүмкіндігіне ие болу, кітаптар мен мақалалардың көшірмелерінен үзінділердің электронды жеткізілімі, тәулік бойы «Кітапханашыға сұрақ» виртуальді библиографиялық қызметін пайдалану мүмкіншілігіне ие болу.

Қазіргі кезде кітапханаға келуші оқырмандардың ішінде жоғары оқу орындарының оқытушылары құжаттарды электронды жеткізуге тапсырыстар беруге көп көңіл бөлуде. Болашақта осындай семинарлар жиірек өткізілсе, кітапханашылар қызметінің табысты болып, биік жетістіктерге жетері күмәнсіз.

Абай атындағы әмбебап-ғылыми кітапхана
Чушекова Жанар