На главную   ::   Новости   ::   Фотогалерея   ::   Написать нам   
 



Google





Жазушы Роллан Сейсенбаевпен ҚР Ұлттық академиялық кітапханасындағы шығармашылық кездесу. Неміс тіліндегі Абай кітабының тұсаукесері жөніндегі

19.12.2010
Осы жылдың 21 желтоқсанында сағат 16.00-да ҚР Ұлттық академиялық кітапханасында оқырмандар белгілі қазақ жазушысы, Халықаралық Абай клубының президенті Роллан Шәкенұлы Сейсенбаевпен кездеседі. Шараға Қазақстанның халық жазушысы, Мемлекеттік силықтың лауераты, көрнекті саяси және қоғам қайраткері Әбіш Кекілбаев, ҚР Ұлттық академиялық кітапхананың бас директоры Жанна Кәкібайқызы Шаймұханбетова қатысады.

Роллан Сейсенбаев әлемдегі белгілі мәдениеттанушы және соны насихаттаушы. Ол қазақ мәдениетін, әдебиетін және баспа ісін дамытуға сүбелі үлес қосты.

Биылғы жылы Роллан Шәкенұлының бастамасымен Халықаралық Абай клубының құрылғанына және «Аманат» журналының шыға бастағанына 10 жыл толды. Оқырмандармен кездесу кезінде жазушы 10 жыл мерзім ішіндегі клуб және «Аманат» журналының істеріне байланысты әңгімелейді. Сондай-ақ, шығармашылық жоспарын ортаға салып, неміс тілінде шыққан жаңа өлеңдер мен Абайдың «Қара сөздері» кітабының тұсаукесерін өткізеді. Баспадан неміс тілінде шыққан кітап Абайдың туғанына 165 жыл толуына және Германияның Қазақстандағы жылына орай сәйкес келіп отыр. Оның тиражы – 1000 дана.

Кітап Қазақстан Президенті Нұрсұлтан Назарбаевтың кіріспе сөзімен басталады, ал алғы сөзін ГФР Қазақстан Республикасындағы Төтенше және Өкілетті елшісі Райнер Шлагерт мырза жазған. Неміс тілінде шыққан Абай жинағының тұсаукесеріне ГФР Қазақстандағы елшілігінің мәдени мәселелер жөніндегі атташесі Геттман Валерия қатысады.