На главную   ::   Новости   ::   Фотогалерея   ::   Написать нам   
 



Google





Мартин Лютер Кинг күні

19.01.2011
Іс-шараға Қазақстандағы АҚШ елшісінің орынбасары Памела Спартлен, Қазақстандағы Америка бұрышы бағдарламасының директоры Лейли Кох, АҚШ елшілігінің өкілдері, Америка түлектері бағдарламасы Кеңесінің мүшелері, Колумбия, Астана университетінің студенттері, оқырмандар, кітапхана қызметкерлері қатысты. Қатысқан адамдардың жалпы саны – 60.
Өз сөзінде Памела Спартлен Лютер Кинг жайлы айта келе, оны қағидаларды бірдей, тұтас қолдану үшін күрескен ұлы құқық қорғаушы деп атап өтті.
Жиналыс барысында Памела Спартлен ханым Мартин Лютер Кингтің өмірі мен қызметіне қатысты қойылған қатысушылардың көптеген сұрақтарына жауап берді.
Сондай-ақ Мартин Лютер Кингтің 1963 жылы 28 тамызда Вашингтонда көпшілік алдында сөйленген әйгілі сөзі жазылған аудиожазба тыңдалды. Бұл ешқашан ұмытылмайтын сөз бен марш болатын. Шамамен 250 000 адам Вашингтондағы Линкольн ескерткішіне Мартин Лютер Кингтің үздік баяндамасын тыңдау үшін маршпен жүріп өтті. Оның сөзі «Менің арманым бар» деп басталып, осы атпен тарихта қалды. Бұл АҚШ-тағы азаматтардың, соның ішінде қара және қоңыр нәсілді адамдардың тең құқылы болуын қолдауды талап еткен тамаша баяндама болды.
Американдық құқық қорғаушымен танысу кеші одан әрі «Менің арманым» деп аталатын кітаптар мен журналдар, дискілер, плакаттар, иллюстрациялар бар стендтті көрмені тамашалаумен жалғасты.